НҮҮР ХУУДАС  |  БХАН-ИЙН ХӨТӨЛБӨР, ТӨСЛҮҮД  |  ХАМТРАН АЖИЛЛАГСАД  |  ЗУРГИЙН ЦОМОГ  |  ХЭЛЭЛЦҮҮЛЭГ  |  ЧАТ  |  ЛИНКҮҮД
   Өнөөдөр: 2018 оны 04 сарын 20 өдөр Вэбийн хайлт
   Дэлгэрэнгүй хайлт    
Зургийн цомог
Нийт хандалтын тоо: 6017201
Зочин: 2
Одоо онлайн байгаа гишүүн: 0
Нийт бүртгэлтэй гишүүн: 661
Англи хэлний гүнзгийрүүлсэн сургалттай ангид үгсийн санг заах аргазүйн зөвлөмж
Нийтэлсэн: Бүрэнжаргал
Огноо: 2007-11-07

Гадаад хэлийг сурахад юуны өм­нө үгийн нөөцтэй байх нь зайлш­гүй юм. Англи хэлний хичээлийг их дээд сургууль коллежид авиа зүй, хэл­зүй, үгсийн сан, яриа гэсэн ялга­вар­тайгаар заадаг нь ЕБС-ийн англи хэлний агуулгад тохирч байгааг судлан үзэж өөрийн бодол санаагаа гарган үндэслэл боловс­руу­­лалт хийлээ. Үгсийн санг заах зөвлөмж боловсруулахдаа урьд өмнө судлагдсан эрдэмтэн суд­лаач­дын судалгаа болон их дээд сур­гуульд заадаг үгсийн сангийн хи­чээлээс үндэслэсэн болно. Ий­мээс үгсийн санг заахдаа сургал­тын онол аргазүйн зарчим болох энгийнээс нарийнд гүехэнээс гүнз­гийд шилжүүлэх үндсэн зарчмыг баримтлан үгсийн санг хэлэлцүү­лэн хэлзүйн уялдаа холбоог аль болох оновчтой болгох шинээр эзэм­­шүү­лэх үгийн сангийн нэгж хэл­зүйн үзэгдлийн шүтэлцээ дав­тамжийг зохистой болгох, сэдвийг агуулгын хувьд суралцагч­дын танин мэдэхүйн хэрэгцээ сонир­холд нийцүүлэх зэрэг асууд­лыг анхаарах ёстой гэж үзэж байна.

Гүнзгийрүүлсэн сургалттай ан­гид үгсийн санг заахдаа тухайн ангийн сурах бичиг болон бусад нэ­мэлт ном материалыг судлан үзэх ба үг зүйн ангилал хийж сэдэвчил­сэн аргаар, ойролцоо, төрөл  үгээр  баяжуулан заах  нь тухайн сэдэв до­тор байгаа үгийг судалж олон давтамжтай болгон сурагчдын үгсийн сангийн нөөцийг баяжуулах  юм.
Үгийн санг баяжуулж байгаа үгийн утгыг зураг схем, үйл хөдлөл зэ­рэг ямар нэг аргаар аль болох төрөлх хэлээр хэлэхгүйгээр ойл­гуу­лах аргыг хайж олох хэрэгтэй. Гэхдээ хийсвэр ойлголтыг хэлж өгөхөөс аргагүй юм.

 Энэ тохиолдолд үгийг өмнөх мэд­дэг үгстэй холбох, ижил төстэй эсвэл эсрэг утгатай гэх зэрэг олон ар­гаар ойлгуулж болно. Шинэ үг буюу тэдгээрийн утгыг ойлгуулах, тогтоолгоход сургалтын шинэлэг ар­гуудыг хэрэглэвэл сургалтын үр дүн илүү үр нөлөөтэй болох юм.         Гадаад хэлний сургалтанд тог­лоомын аргыг хэрэглэх сэтгэлзүйн болон аргазүйн үндэсийн талаар олон эрдэмтэд өөрсдийн бүтээл­дээ тусгасан байдаг. Хичээлд тог­лоомын аргуудаас зөв сонгон ав­бал хичээлийг явуулахад хялбар болж, сэтгэлзүйн таатай орчинг бүрдүүлж, хичээл маш үр дүнтэй болж өгнө.
Тоглоомын аргыг сургалтандаа хэрэглэхдээ суралцагчдын насны онцлогоос хамааран түүнд зориу­лаг­дах хугацаа, хэлбэр өөр өөр байж болно.

Судалгаанаас үзэхэд:

  • Тоглоом нь сурагчдын хи­чээлд оролцох идэвхийг өрнүүлнэ.
  • Тоглоом нь багш, сурагчийн харьцааг бий болгоно.
  • Тоглоом сурагчдыг өөрий­гөө бусадтай харьцуулж дүгнэх боломжийг олгоно.
  • Тоглоом нь үнэлгээний шинэ үзүүлэлтийг бий болгоно.
  • Тоглоомын явцад сурагчдад чөлөөтэй сэтгэн бодох, бололцоог олгон айж ичих, шийтгэл хариуц­лага, муу дүн авах гэсэн сэтгэлийн шаналлыг арилгах болно.

Англи хэлний сургалтанд доорх тоглоомын аргыг хэрэглэж болох юм.

  • Гинжин тоглоом
  • Дүрд тоглох
  • Зоос олох
  • Уралдаант тоглоом
  • Үг үүсгэх тоглоом гэх мэт

Үгсийн сангийн хичээлийг заахдаа булангийн арга, хэсгийн арга, шооны арга, марофон бичлэ­гийн арга, эвлүүлгийн арга гэх мэт сургалтын шинэлэг аргуудыг сургалтандаа ашиглах нь сурал­цагс­дын сурах идэвхийг өрнүүлэх, сургалтынхаа үр дүнг дээшлүүлж болно гэж үзэж байгаа юм.

   Буцах     Мэдээллийг хэвлэх     Найздаа илгээх    Сэтгэгдэл бичих

Хувь хvмvvсийн бичсэн сэтгэгдлийн талаар манай вэб ямар нэг
хариуцлага хvлээхгvй болохыг анхаарна уу!

zugeer l bodogdson zuil
surgaltand togloom oruulna gedeg uneheer chuhal zuil gej bodoj bn. ene medeen deh sudalgaanaas haragdsan ur duntei 100 huvi sanal niilj bn. tuunii deer nemehed, baga dund angiin angli helnii hicheeld togloom oruulsnaar huuhdiig anlgi helend durtai bolgoh ni yunii turuund chuhal zuil baih gej bodoj bn. bi ooroo dund angid baihdaa oros hel zaalgaj baihad, oros helnii ter yadargaatai olon durem l ih ordog bsan sanagdaj bn.tiim bolhoor oros helnii hicheel minii hamgiin durgui hicheel bsan yum. hervee ter ued haaya tolgoom toglodog bsan bol oros held durtai bolj, iluu ih ug tseejilj, iluu sain surah bsan bh.

  4 дүгээр сар 2018  
Ням Д М Л П Б Б
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Логин нэр
Нууц үг
 

Шинээр бүртгүүлэх
Нууц үгээ мартсан уу?