НҮҮР ХУУДАС  |  БХАН-ИЙН ХӨТӨЛБӨР, ТӨСЛҮҮД  |  ХАМТРАН АЖИЛЛАГСАД  |  ЗУРГИЙН ЦОМОГ  |  ХЭЛЭЛЦҮҮЛЭГ  |  ЧАТ  |  ЛИНКҮҮД
   Өнөөдөр: 2018 оны 10 сарын 22 өдөр Вэбийн хайлт
   Дэлгэрэнгүй хайлт    
Зургийн цомог
Нийт хандалтын тоо: 6363746
Зочин: 2
Одоо онлайн байгаа гишүүн: 0
Нийт бүртгэлтэй гишүүн: 663
Ерөнхий шалгалтаа өгөхөд бэлэн байна уу?
Нийтэлсэн: Бүрэнжаргал
Огноо: 2007-06-05
  Хариултын хуудас:
Хариултын хуудас нь тусгайлан бэлдсэн загвар бүхий хариулт тэмдэглэх зориулалттай, бичгийн цаасны хэмжээтэй хуудас юм. Уг хариултын хуудсыг компьютерийн программ ашиглан, машинаар уншиж дүгнэх учир засалтанд хүний оролцоо орохгүй байх болно.

Хариултын хуудсыг бөглөхдөө дараах зүйлд анхаараарай.

  • Сонгох хариулттай даалгавруудаас зөвхөн нэг хариуг сонгож, хариултын хуудсан дээрх даалгаврын дугаараар нь будаж тэмдэглээрэй.
  • Нөхөх хариулттай даалгаврыг гүйцэтгэхдээ тухайн даалгаврын дугаар бүхий тусгай хэсэгт өөрийн гаргасан хариугаа будаж тэмдэглээрэй. Ингэхдээ хариултын хуудас болон шалгалтын дэвтэр дээрх зааврыг сайтар анхаарна уу.
  • Хариултын хуудсыг бөглөхдөө үзгэн бал ашиглана. Хариултын хуудсан дээр хариугаа тэмдэглэхдээ будах талбайнаас илүү гаргалгүй нямбай тэмдэглэх хэрэгтэй. Хэрэв та хариултын хуудсан дээр зааснаас өөр тэмдэглэгээ хийх буюу давхар тэмдэглэгээ хийх тохиолдолд хариулт хүчингүй болно. 
  •  Шалгалтын дэвтэр дээр зөв хариуг тэмдэглэсэн боловч хариултын хуудсан дээрээ хариугаа тэмдэглэгдээгүй тохиолдолд таныг зөв хариулсан гэж тооцохгүй. Учир нь хариултын хуудсыг л машинаар уншуулж дүнг гаргах ба шалгалтын дэвтэр танд үлдэх болно. Мөн та хариултын хуудсан дээрээ тэмдэглэгээ хийсэн эсэхээ сайтар хянах хэрэгтэй. 

Ерөнхий шалгалтын оноог хэрхэн бодох вэ?
Та бүхэн ерөнхий шалгалтыг 80 минутанд гүйцэтгэх (хугацаа сунгахгүй)  ба уг хугацаанд багтаж хариултын хуудсыг бөглөнө. Үүний дараа таны хариултын хуудсыг хураан авч битүүмжилнэ. Битүүмжилсэн хариултын хуудсыг төвлөрүүлэн, заасан хугацаанд (2007 оны 6 сарын 11-ээс 6 дугаар сарын 24-нийг хүртэл)  засагч машинаар уншуулан зөв хариу буюу шалгалтын оноог тооцоолон гаргана. Шалгалтын асуултанд буруу хариулсан тохиолдолд оноо хасахгүй. Зөв хариулсан тохиолдолд заасан оноог авна. 

Ерөнхий шалгалтанд амжилтанд амжилт үзүүлэх зарим стратеги
Зарим хүмүүс яагаад шалгалтыг бусдаас илүү сайн өгдөг вэ? Нууц нь хичээлээ сайн мэдэхээс гадна шалгалт өгөх арга барилыг нарийн сайн мэддэгт байгаа ба энэ нь илүү оноо авахад нь тусалдаг. Юун түрүүнд танд “хурд”, шалгалт өгөх “тактик” хэрэгтэй. 

Өөрийнхөө хурдыг хэрхэн нэмэгдүүлэх вэ?
Шалгалтын сэдэв 40 даалгавартай /ЕШ-ийн сэдвүүд 40-60 даалгавартай/ гэж бодоё. Шалгалтын хугацаа маань 80 минут шүү дээ. Тиймээс таньд асуулт бүрт 2 минут байгааг хэлж байгаа юм. Гэвч бодлоготой шалгалт өгөгч нарт энэ нь цагаа хэмнэх тийм ч сайн арга биш гэдгийг мэднэ. Хэрвээ амархан асуултанд минутаас бага хугацаа зарцуулж байгаа бол таньд илүү хүнд асуултанд хариулах цаг гарч ирнэ. Ийм учраас өөрийнхөө хурдыг нэмэгдүүүлэхийн тулд өөрийн амархан гэж үзсэн даалгавруудаас эхлэн гүйцэтгэх нь чухал юм.

“Хялбараас хүнд рүү” гэдэг зарчмыг баримтлах нь зөв
Чадахаасаа эхлэн хялбар асуултан дээр ажиллаж эхлэнэ үү. Энэ нь таньд дараа нь хүнд асуултанд хариулахад илүү цагийг гаргаж өгөх болно. Гэхдээ 2 сануулах зүйл байна.  Нэгдүүгээрт шалгалтын даалгаврууд танд хүнд санагдаж болно. Үүнд бүү цочирд, та хэзээ ч ойлгож байгаагүй хүчин зүйл бүхий даалгавар дээр хэтэрхий их цаг бүү зарцуул. Хоёрт нь, хурдан ажилла. Гэхдээ болгоомжтой байх хэрэгтэй ба авах ёстой оноогоо алдаж хийхээр хэтэрхий хурдан бүү ажиллаарай.

Та өөрийн хурдын хэмжээгээ тогтоож болно.
Тэгэхээр та өөрийн хурдаа хэрхэн мэдэх вэ? Дасгал ажлыг цагтай ажилла, тэгээд энэ нь хэрхэн хариултуудад нөлөөлж буйг хараарай. Хэрвээ та хугацаандаа ихэнхи асуултанд хариулсан гэхдээ бас буруу байвал хурдаа багасгах нь дээр юм. Хэрвээ та бүх хэсгийн асуултанд хариулаагүй бол хурдаа магадгүй алгуурхан нэмэх нь зүйтэй.

Танд бугуйн цаг хэрэгтэй.
Хэрвээ та өөрийгөө хурдлуулах гэж байгаа бол цагыг дагаж мөрдөх ба хэрвээ өрөөнд чинь цаг байхгүй эсвэл таны харах зүгээс гадна ганцхан цаг байвал яах вэ? Тиймээс бугуйн цаг авчирах нь хамгийн зөв арга зам юм.

Шалгалтын өдөр болон өмнөх шөнө өөрийгөө хэрхэн бэлдэх вэ?
Шалгалтын өмнөх өдөр та өөрийн хүссэнээрээ сайхан амрах хэрэгтэй. Маргаау шалгалт болох тул шөнөжингөө юм уншиж өөрийгөө ядраах хэрэггүй шүү. Учир таныг маргааш хариуцлагатай зүйл хүлээж байгаа. Тиймээс та шалгалтын өглөө сэргэлэн цовоо байх хэрэгтэй.

Та шалгалт өгөхийн өмнөх өдөр дараах зүйлсийг бэлэн болгоорой.
1. Бүртгэлийн хуудас
2. Иргэний үнэмлэх (иргэний үнэмлэх авах насанд хүрээгүй бол сургуулийн захирлаасаа зурагтай лавлагааг авч төрсөний гэрчилгээний хамт авч ирэх)
3. Бүрэн дунд боловсролын гэрчилгээ
4. Шар хуудас
5. Хар, хөх өнгийн үзгэн эсвэл тосон бал
Та шалгалтын төвд ирэхдээ 1 цагийн өмнө бэлэн байхыг бодож гэрээсээ гараарай. 

БОЛОВСРОЛЫН ҮНЭЛГЭЭНИЙ ТӨВ

   Буцах     Мэдээллийг хэвлэх     Найздаа илгээх    Сэтгэгдэл бичих

Хувь хvмvvсийн бичсэн сэтгэгдлийн талаар манай вэб ямар нэг
хариуцлага хvлээхгvй болохыг анхаарна уу!

  10 дугаар сар 2018  
Ням Д М Л П Б Б
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

Логин нэр
Нууц үг
 

Шинээр бүртгүүлэх
Нууц үгээ мартсан уу?