НҮҮР ХУУДАС  |  БХАН-ИЙН ХӨТӨЛБӨР, ТӨСЛҮҮД  |  ХАМТРАН АЖИЛЛАГСАД  |  ЗУРГИЙН ЦОМОГ  |  ХЭЛЭЛЦҮҮЛЭГ  |  ЧАТ  |  ЛИНКҮҮД
   Өнөөдөр: 2018 оны 12 сарын 11 өдөр Вэбийн хайлт
   Дэлгэрэнгүй хайлт    
Зургийн цомог
Нийт хандалтын тоо: 6429582
Зочин: 2
Одоо онлайн байгаа гишүүн: 0
Нийт бүртгэлтэй гишүүн: 663
“Хүүхдийн хөгжил хамгаалалд-Багшийн оролцоо” эрдэм шинжилгээний бага хурал боллоо
Нийтэлсэн: Бүрэнжаргал
Огноо: 2007-05-30

  Боловсролын Хамтын Ажилла­гааны Нийгэмлэг, Монгол Улсын Боловсролын Их Сургуулийн Бо­ловсрол Судлалын Сургуулийн Сурган Хүмүүжүүлэх Ухааны тэн­химтэй хамтран багш мэргэжлээр суралцаж буй оюутнуудад суралцаж байх явцдаа мэргэжлийн онцлог, үр өгөөжийг мэдрүүлэн, судалгаа шинжил­гээ­ний ажил хийх арга барил эзэмшүүлэх зорилгоор  тус эрдэм шин­жил­гээний бага хурлыг дөрөв дэх жилдээ амжилт­тай зохион байгууллаа.   

Энэ жилийн бага хурлын онцлог нь:

  •  Өнгөрсөн гурван жилийн хуга­цаанд оюутнууд багш, бо­ловсролын салбар­тай холбоотой чөлөөт сэдвээр оролц­дог бай­сан бол энэ жил Монгол Улсын боловсролын тухай хууль, Монгол Улсын үндсэн хуульд тунхаг­ласан хүний эрхийн үзэл баримтлал, НҮБ-ын хүүхдийн эрхийн тухай конвенц, хүүх­дийн эрхийг хамгаалах тухай хуульд нийцүүлэн, боловсронгуй болгож, шинэч­лэн батал­сны дагуу “Хүүх­дийн хөгжил, хамгаалалд багшийн оролцоо” сэдвийн хүрээнд явуул­лаа. Эдгээр хуулийн заалтууд хэрэгж­сэнээр аливаа сур­галтын ор­чинд сурал­цагчдыг ялгаварлан гадуурхах­гүй байх, сурагчид сэтгэл санаа, бие мах­бо­дийн шийт­гэлд өртөхгүй, эдийн засгийн дарам­таас ангид байх хууль эрх зүйн ор­чин бүрдэх ажээ.
  • Мөн өмнөх жилүүдэд МУБИС-ийн БСС-ийн Сурган Хүмүүжүүлэх Ухааны тэнхмийн багш нар хичээл заадаг МУБИС-ийн салбар сургуу­лийн оюут­нууд л энэхүү эрдэм шин­жилгээний бага хуралд оролцдог бай­сан бол энэ жилээс өөрчлөг­дөн, багш бэлтгэдэг бусад их дээд сургууль, коллежийн оюут­нууд оролцож, илтгэлээ хэлэлцүүлэв.
  • Энэ жилийн эрдэм шинжилгээ­ний бага хуралд нийт 17 илтгэл ирснээс, 12 илтгэлийг шалгаруулан, 11 илтгэлийг хэлэлцэв. Нийт шалгарсан илтгэлүүдээ дараах шалгуу­раар үнэлсэн юм.

Үүнд:

  1. Илтгэлд дэвшүүлж буй шинэлэг санаа, түүнийг үндэслэн нотолсон бай­дал
  2. Сэдвийн хүрээнд бичсэн эсэх
  3. Судалгааны аргыг сонгож ашиг­ла­сан эсэх
  4. Мэдээллийг боловсруулсан байдал, илтгэлийн боловсруулалт, бэлтгэл
  5. Илтгэгчийн илтгэх ур чадвар
  6. Илтгэгчийн мэдлэг чадварын түвшин зэрэг болно. 

 Уг эрдэм шинжилгээний бага хурлын нэгдүгээр байрыг МУБИС-ийн  КМТС-ийн Мэдээлэл зүй, матема­тикийн дөрөв­дүгээр дамжаа­ны оюутан Б.Тунгалаг    “Суралцаг­чийн өөрийн үнэл­гээ” сэдэвт итгэ­лээр, хоёругаар байрыг МУБИС-ийн ТНУС-ийн  Түүх, нийгэм судлалын  гурав­дугаар дамжааны оюутан Г.Оюун­гэрэл “Хүүхдийн хөгжил, төлөв­шилд анги удирдсан багшийн оролцоо”, МУБИС-ийн ТНУС-ийн Түүх, нийгэм суд­лалын хоёрдугаар  дамжааны оюутан Ч.Мөнх­баяр “ЕБС-ийн төгсөх ангийн сурагчдын мэргэжил сонголт, түүнд сургууль багш нарын оролцоо” сэдэвт илтгэлүүдээр, гу­рав­дугаар байрыг МУБИС-ийн ТНУС-ийн түүх, нийгэм судлалын  хоёрдугаар дамжааны оюутан Б.Алтанцэцэг “Гэрийн даалгаврын хэрэгжилтэд хийсэн дүн шинжилгээ”, МУБИС-ийн СӨБС-ийн К-6 ангийн оюутан Ц.Оюунчимэг “Тоглоо­моор дам­жуу­лан бага насны хүүхдийн математик сэтгэлгээг хөгжүүлэх нь”, МУБИС-ийн КМТС-ийн Мэ­дээлэл зүй, математикийн  хоёр­ду­гаар дамжааны оюутан Ц.Цэвээн­сүрэн “Хүүхдийн эр­хийн хэрэгжил­тийн өнөөгийн байдал” сэдэвт илтгэ­лүүдээр тус тус эхний гурван байрыг эзэллээ.

Илтгэл тавьж, шагналт байр эзэлсэн оюутнуудыг БХАН-ийн өргөмжлөл, үнэ бүхий зүйлээр шагнаж урамшуулс­наас гадна, илтгэлээ хэлэлцүүлсэн оюутнуудад СХУ-ны тэнхмээс дурсамж, ном сурах бичиг дурсгав. Энэ жилийн эрдэм шинжил­­гээний хуралд 200 орчим оюутан сонсогчоор оролцов. 

   Буцах     Мэдээллийг хэвлэх     Найздаа илгээх    Сэтгэгдэл бичих

Хувь хvмvvсийн бичсэн сэтгэгдлийн талаар манай вэб ямар нэг
хариуцлага хvлээхгvй болохыг анхаарна уу!

  12 дугаар сар 2018  
Ням Д М Л П Б Б
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Логин нэр
Нууц үг
 

Шинээр бүртгүүлэх
Нууц үгээ мартсан уу?